PRIMAVERANDO

Queridas familias, dende fai dous anos, a Xunta Directiva da APA, propúxose favorecer a xuntanza entre as familias recuperando algunhas das tradicións propias da nosa terra. 

Paro o primeiro trimestre argallamos o Magosto e os cursos pasados fixemos unha ROMERÍA DOS MAIOS, e una ROMERÍA DOS ESPANTALLOS no segundo trimestre que foron todo un éxito gracias á vosa participación e colaboración.

Este ano queremos facer unha ROMERÍA DA PRIMAVERA que nos achegue, a nenos e maiores, ao xeito tradicional en Galicia de festexar o inicio da primavera.

Será o venres, 10 de abril, a partir das 18:15 h, no polideportivo cuberto da escola.

Chega a época na que as plantas florecen e as nosas hortas e xardíns énchense de cores moi diversas. Por iso necesitamos un coidador moi especial, o «BONECO CRECEPELO», que vaia indicando como se vai pasando da primavera ao verán co crecemento do seu cabelo. Faremos un obradoiro, e contamos coa axuda de Axiña.

Pretendemos un encontro interxeracional a través do traballo cooperativo polo que os obradoiros están abertos a nenos e pais.

Contaremos cun espectáculo de danza moderna a cargo da compañía Artestudio, porque o baile sempre foi unha forma de festexar a chegada da primavera.

Por suposto, teremos música, pero esta vez será un auténtico concerto en vivo e en directo de:

Pablo Díaz e a súa banda

Tocarán na nosa escola as cancións do seu novo disco “Xente miúda moita fartura”, e tamén TOC-TOC e TIC-TAC, cheas de ritmos ben distintos que farán que se mova ata o máis teso. A través do folk, rock, pop, blues e mesmo do jazz, escoitaremos cancións que son contos, historias que se converten en cantigas, letras que nos falan do noso medio, as nosas fragas, os nosos mares… 

Os que non o teñades, xa podedes ir mercando o disco para practicar porque ese día imos todos a cantar ata esfolar a gorxa... Se cadra Pablo, bótanos un autógrafo ao rematar a actuación!!!

Por último, para facer unha romería completa, solicitamos a vosa colaboración e animámosvos a traer biscoitos, empanadas, rosquillas, tortas ou o que queirades para compartir entre todos.

A entrada é de balde pero agradeceríamosvos que fagades a inscripción neste formulario para facilitarnos a correcta organización dos obradoiros e da actividade en xeral.

FORMULARIO DE INSCRIPCIÓN

Contamos con todos vos porque... unha festa sen festeiros… non é festa!!

Con la colaboracion da Deputación da Coruña