TEATRO EN GALEGO - TEATRO DOS GHAZAFELHOS
O Martes día 15,
co motivo da festividade do Día das Letras Galegas, tiveron lugar as actuacións
do Teatro en Galego que organiza o APA para todos os alumnos do colexio.
Este ano, contamos
coa compañía Teatro dos Ghazafelhos; e
representaron unha obra titulada RUBICUNDO.
A obra conta
unha fermosa historia sobre a amizade, a constancia e a poesía, abríndonos a
posibilidade de perseguir os nosos soños sen sentir límites nin distancias.
Todas as noites,
Rubicundo sae na súa bicicleta enriba da árbore do seu xardín rumbo á noite
pechada. Semella que ninguén repara nesta personaxe, enfundada nun gabán e
sombreiro de copa. Ninguén agás Erea. Disposta a chegar ate o fin daquel
misterio… Pois así era esta rapaza… curiosa e soñadora…
Pasamos un rato
moi moi divertido; cunha obra chea de sorpresas, pasando pola música, os
monicreques, acrobacia, claqué…facendo difícil de esquecer esta máxica
historia.
Deixamos unhas fotos no seguinte ligazón
Comentarios
Publicar un comentario
La publicación de los comentarios esta sujeta a la decisión del administrador.